amalinks wokungena

Breaking News

Kubhubhe Abangu-47 ngeCovid-19 eZimbabwe Izolo


Kuhlolwa Indawo Zokwelapha Abalomkhuhlane Onjenge Coronavirus

Kubhubhe abantu abangamatshumi amane lasikhombisa, 47, nge-coronavirus eZimbabwe izolo, okungokwakuqala ukuthi umkhuhlane lo ubulale abantu abanengi kangaka ngosuku lunye.

Lokhu kukhweze inani lasebedliwe ngumkhuhlane lo selokhe ufike kuleli nyakenye laya kumakhulu ayisithupha alamatshumi amathathu lasithupha, 636.

Inani lasebetholakale belawo lona likhwele laya kunkulungwane ezedlula amatshumi amabili lanhlanu, 25,368, ngemva kokufunyanwa kwabantu abayinkulungwane elekhulu eliletshumi lambili, 1,112, belawo.

Phakathi kwabhubhe izolo kulabangamatshumi amabili eMashonaland West, abalitshumi eHarare, abayisikhombisa eManicaland, abahlanu eMashonaland East, ababili eMasvingo, ababili njalo eMashonaland Central kanye loyedwa koBulawayo.

Kulabedlula inkulungwane eyodwa njalo, 1,056, bafunyanwe sebepholile.

Isiphathamandla senhlanganiso yeZimbabwe Christian Allince uMfundisi Useni Sibanda utshele iStudio 7 ukuthi ukukhuphuka kwenani labantu abafayo lokhu kuyethusa kakhulu.

please wait

No media source currently available

0:00 0:02:24 0:00

Facebook Forum

XS
SM
MD
LG