WASHINGTON DC —
Kubhubhe ababili ngeCovid-19 eZimbabwe ngoMvulo njalo kwatholakala abalitshumi lasikhombisa, 17, belomkhuhlane lo.
Lokhu kwengeze inani labantu asebebulewe yiCoronavirus laya kunkulungwane elamakhulu phose ayisithupha, 1,594. Asebebanjwe lumkhuhlane sebezinkulungwane ezingamatshumi phose amane, 38,961.
Abahlatshwe ijekiseni yakuqala yokwenqabela lumkhuhlane izolo bazinkulungwane phose ezinhlanu, 4,923.
Abahlatshwe eyesibili bazinkulungwane ezedlula kancane ezintathu, 3,182.
Asebehlatshwe ijekiseni yakuqala bonke sebezinkulungwane ezingamakhulu phose ayisikhombisa, 675,678.
Asebehlatshwe eyesibili njalo ingeyokucina bona bazinkulungwane ezedlula amakhulu amathathu, 344,400.