amalinks wokungena

Breaking News

Kubhubhe Abantu Abangu-107 ngeCovid-19 eZimbabwe ngoLwesibili


Virus Outbreak Indonesia

Kubhubhe abantu abalikhulu lasikhombisa, 107, ngeCovid-19 eZimbabwe ngoLwesibili.

Ugatsha olubona ngezempilakahle luthi kutholakale njalo abafika phose inkulungwane ezimbili, 1,767, belomkhuhlane lo.

Lokhu kukhweze inani lasebefile laya kunkulungwane ezintathu ezilamakhulu phose amathathu, 3,280 kuthi asebebanjwe lumkhuhlane bona sebephezu kwenkulungwane ezilikhulu, 101,711.

Abahlatshwe ijekiseni yakuqala yokuvikela lumkhuhlane ngoLwesibili bedlula inkulungwane ezingamatshumi amathathu, 30,657.

Abahlatshwe eyesibili boba bazinkulungwane eziyisikhombisa ezilamakhulu phose amahlanu 7,469.

Asebehlatshwe eyakuqala bonke sebefika kusigidi esilengxenye, 1,522,150 njalo asebehlatshwe eyesibili, engeyokucina, sebezinkulungwane ezingamakhulu phose ayisikhombisa, 694,685.

Kusenjalo, uhulumende uthi ilizwe lizaqhubeka likuzinga seline eleziqondiso zokwenqabela umkhuhlane weCovid-19, uLevel 4.

Uthi njalo usevula umngcele weKazungula eVictoria Falls ukuze izethekeli esezihlatshwe ijekiseni yokwenqabela lumkhuhlane zingene elizweni.

Umqondisi wenhlanganiso yeZimbabwe Christian Alliance, yona esebenza lohulumende kwezinye inhlelo zokwenqabela iCovid-19, uMnu Useni Sibanda, utshele iStudio 7 ukuthi kuhle ukuthi ilizwe liqhubeke likuLevel 4 yeLockdown.

please wait

No media source currently available

0:00 0:02:46 0:00

Facebook Forum

XS
SM
MD
LG