amalinks wokungena

Breaking News

Kubhubhe Abantu Abangu-13 ngeCovid-19 eZimbabwe ngeSonto


Workers in protective gear lower a coffin of a COVID-19 victim for burial at the special section of the Pedurenan cemetery designated to accommodate the surge in deaths during the coronavirus outbreak in Bekasi, West Java, Indonesia, Monday, July 26, 2021

Ugatsha lwezempilakahle luthi kubhubhe abantu abalitshumi lantathu, 13, ngeCovid-19 eZimbabwe ngeSonto.

Kutholakale njalo abedlula ikhulu, 165, belomkhuhlane lo. Lokhu kukhweze inani lasebebulewe yi-coronavirus kulelilizwe laya kunkulungwane ezine ezilamakhulu edlula amabili, 4,249.

Asebefunyenwe belomkhuhlane lo sebesedlula inkulungwane ezilikhulu elilamatshumi amabili, 122,652.

Ugatsha lwezempilakahle luthi abahlatshwe ijekiseni yakuqala yokuvikela iCovid-19 izolo bedlula inkulungwane ezilitshumi, 10,776.

Abahlatshwe eyesibili bazinkulungwane phose ezilitshumi, 9,181.

Bonke asebehlatshwe ijekiseni yakuqala sebephezu kwezigidi ezimbili, 2,312,417.

Asebehlatshwe eyesibili njalo ingeyokucina sebeyisigidi esilengxenye, 1,460,162.

Isiphathamandla senhlanganiso yeGwanda Residents Association uMnu Molvin Dube utshele iStudio 7 ukuthi lasedolobheni leGwanda lumkhuhlane usudedile. Kodwa uthi lokhu akutsho ukuthi usuphelile.

please wait

No media source currently available

0:00 0:03:09 0:00

Facebook Forum

XS
SM
MD
LG