WASHINGTON DC —
Ugatsha lwezempilakahle luthi kubhubhe abantu abalitshumi lasithupha, 16, ngeCovid-19 eZimbabwe ngoMgqibelo.
Luthi kutholakale njalo abedlula ikhulu, 131, belomkhuhlane lo. Lokhu kukhweze inani lasebebulewe yiCovid-19 kulelilizwe laya kunkulungwane ezedlula ezine, 4,390.
Asebebanjwe lumkhuhlane bona bakhwele baya kunkulungwane ezilikhulu elilamatshumi edlula amabili, 124,367.
Abahlatshwe ijekiseni yakuqala yokuvikela lumkhuhlane ngoMgqibelo njalo bedlula inkulungwane ezingamatshumi amabili, 21,373.
Abahlatshwe eyesibili bazinkulungwane phose ezilitshumi lantathu, 12,986.
Asebehlatshwe ijekiseni yakuqala bonke sebephezu kwezigidi ezimbili ezilengxenye, 2,513,353 kuthi asebehlatshwe eyesibili bedlula isigidi esisodwa esilengxenye, 1,596,381.