Kubhubhe abantu abalitshumi lasikhombisa, 17, ngeCovid-19 eZimbabwe ngoLwesine.
Kutholakane njalo abedlula amakhulu amane, 404, belomkhuhlane lo.
Inani labo bonke asebebulewe yi-coronavirus likhwele laya kunkulungwane ezine ezilamakhulu phose amabili, 4,198.
Asebefunyenwe belayo sebesedlula inkulungwane ezilikhulu, 121,902.
Abahlatshwe ijekiseni yakuqala yokuvikela lumkhuhlane izolo bazinkulungwane ezingamatshumi edlula amane, 40,219, kuthi abahlatshwe eyesibili bazinkulungwane phose ezingamatshumi amane, 38,378.
Asebehlatshwe ijekiseni yakuqala bonke sebephezu kwezigidi ezimbili, 2,233,566.
Asebehlatshwe eyesibili njalo ingeyokucina bedlula isigidi esilenkulungwane ezingamakhulu amathathu, 1,386,752.
Uhulumende uthi wamukele amajekiseni ayingxenye yesigidi, 500,000, alungiswe yiSinopharm awathenge kweleChina izolo.