amalinks wokungena

Breaking News

Kubhubhe Abantu Abangu-17 ngeCovid-19 eZimbabwe ngoMvulo


Coronavirus, Zimbabwe

Kubhubhe abantu abalitshumi lasikhombisa, 17 ngeCovid-19 eZimbabwe ngoMvulo njalo kwatholakala abalikhulu elilamatshumi ayisithupha, 160, belomkhuhlane lo.

Lokhu kukhweze inani lasebebanjwe lumkhuhlane kuleli laya kunkulungwane ezedlula amatshumi amathathu, 33,548.

Asebethethwe ngumkhuhlane lo bona bakhwele baya kunkulungwane elamakhulu amabili alamatshumi amathathu lane 1,234.

Lanxa belokhe bebanengi abantu ababanjwa umkhuhlane lo kanye labafayo, amanani la ayehla kulezinsuku nxa kuqathaniswa lakumaviki ambalwa edluleyo.

UMongameli Emmerson Mnangagwa uthi uhulumende uphakathi kokukhulumisana lamankampani alungisa amajekiseni eCovid-19 njalo uthi maduze nje ijekiseni le izabisikhona elizweni.

EleSouth Africa lona lamukele awalo amajekiseni akuqala eliwathenge kweleindia izolo.

Lanxa umphathintambo wezempilakahle ebethe izizalwane zakwamanye amazwe ezihlala kulelolizwe ngaphandle komthetho azisoze zihlatshwe, uMongameli Cyril Ramaphosa uthe umuntu wonke ofuna ukuhlatshwa uzayithola lijekiseni kungelani lokuthi ulamaphepha kumbe akalawo.

Le yinto eyamukelwe ngabanengi abagoqela uMnu Nicholas Ngqabutho Mabhena owenhlanganiso yeZimbabwe Community in South Africa.

please wait

No media source currently available

0:00 0:02:17 0:00

Facebook Forum

XS
SM
MD
LG