amalinks wokungena

Breaking News

Kubhubhe Abantu Abangu-18 ngeCoronavirus eZimbabwe Izolo


A nurse speaks to people waiting to be vaccinated with a COVID-19 vaccine at a public hospital in Harare, Zimbabwe, Dec. 1, 2021.

Kubhubhe abantu abangamatshumi phose amabili, 18, ngeCovid-19 eZimbabwe ngoMvulo njalo kwatholakala abedlula inkulungwane ezimbili, 2,283, belomkhuhlane lo.

Ugatsha lwezempilahle luthi abahlatshwe ijekiseni yakuqala yokwenqabela lumkhuhlane njalo bedlula inkulungwane eziyisithupha, 6,157.

Abahlatshwe eyesibili bedlula kancane inkulungwane ezinhlanu, 5,172. Uhulumende uthi wamukele amajekiseni ayisigidi, 1 million, awaphiwe ngeleChina izolo.

Umphathintambo wezempilakahle, ongumsekeli njalo kaMongameli uMnu Constantino Chiwenga uthe isipho lesi sifike ngesikhathi esihle ngoba eleZimbabwe seliqalile ukuhlaba abasakhulayo abaleminyaka elitshumi lasithupha, 16, kusiya kwelitshumi lasikhombisa, 17, ngokubika kweZBC.

Lanxa nje inani labahlatshwayo selikhuphukile kancane kulezinsuku, ingcwethi zithi uhulumende kasoze enelise ukuhlaba abantu abayizigidi ezilitshumi ekupheleni komnyaka njengokufisa kwakhe.

Okwamanje asebehlatshwe ijekiseni yakuqala bonke sebeyisigidi ezine, 4 million, kuthi asebehlatshwe womabili khona befika ku3 million.

Umqondisi wenhlanganiso yeZimbabwe Christian Alliance uMnu Useni Sibanda utshele iStudio 7 ukuthi abantu kumele balandele iziqondiso zokwenqabela lumkhuhlane ngoba uyingozi enkulu.

please wait

No media source currently available

0:00 0:02:01 0:00

Facebook Forum

XS
SM
MD
LG