amalinks wokungena

Breaking News

Kubhubhe Abantu Abangu-18 ngeCovid-19 eZimbabwe ngoLwesibili


Des membres de l'Université nationale des sciences et technologies (NUST) travaillent dans un centre de test de laboratoire COVID-19 à l'hôpital Mpilo de Bulawayo, Zimbabwe, le 25 avril 2020.
Des membres de l'Université nationale des sciences et technologies (NUST) travaillent dans un centre de test de laboratoire COVID-19 à l'hôpital Mpilo de Bulawayo, Zimbabwe, le 25 avril 2020.

Ugatsha lwezempilakahle luthi kubhubhe abantu abalitshumi lasitshiyangalombili, 18, ngeCovid-19 eZimbabwe ngoLwesibili.

Kutholakane njalo abedlula amakhulu amahlanu, 514, belomkhuhlane lo.

Lokhu kutsho ukuthi inani lasebebulewe yi-coronavirus kuleli sebesedlula inkulungwane ezine, 4,156.

Asebebanjwe lumkhuhlane bona sebesedlula inkulungwane ezilikhulu elilamatshumi amabili, 121,046.

Abahlatshwe ijekiseni yakuqala yokuvikela lumkhuhlane izolo bazinkulungwane ezedlula amatshumi amahlanu, 53,978, kuthi abahlatshwe eyesibili baphose bafike kunani elifanayo, 50,996.

Asebehlatshwe ijekiseni yakuqala bonke sebephezu kwezigidi ezimbili, 2,145,537 kuthi asebehlatshwe eyesibili njalo ingeyokucina bona sebephezu kwesigidi esilenkulungwane ezingamakhulu amathathu, 1,304,802.

Kusenjalo, osomabhizimusi abanengi bakhala ngokuthi iziqondiso zokwenqabela iCovid-19 zibuyisela umsebenzi wabo emuva kanti njalo sezibangele ukuthi bengatholi inzuzo eyaneleyo.

Ngenxa yeziqondiso lezi, amabhizimusi asevalwa ngehola lesithathu emini njalo abantu kumele babe sebesezindlini ngehola lesithupha ntambama, okuyiso isikhathi abamabhizimusi abathi bebethola ngaso inzuzo.

Okhokhela ugatsha lwezamabhizimusi kunhlanganiso yeBulawayo Progressive Residents Association, uMnu Austin Nkomazana, utshele iStudio 7 ukuthi amabhizimusi amanengi asesadalala.

please wait

No media source currently available

0:00 0:02:47 0:00

XS
SM
MD
LG