amalinks wokungena

Breaking News

Kubhubhe Abantu Abangu-19 ngeCoronavirus eZimbabwe ngeSonto


Grave diggers bury the coffin of a man who died from from COVID-19 at a cemetary in Bekasi, as Indonesia passed the grim milestone of over 100,000 COVID-19 deaths.

Kubhubhe abantu abangamatshumi phose amabili, 19, ngeCovid-19 eZimbabwe ngeSonto.

Kutholakale njalo abangamakhulu amabili alamatshumi amathathu lanhlanu, 235, belomkhuhlane lo.

Lokhu kukhweze inani lasebebulewe yi-coronavirus kulelilizwe laya kunkulungwane ezedlula ezine, 4,109. Asebebanjwe lumkhuhlane sebesedlula inkulungwane ezilikhulu elilamatshumi amabili, 120,088.

Abahlatshwe ijekiseni yakuqala yokuvikela lumkhuhlane izolo bazinkulungwane ezingamatshumi phose amathathu, 28,015.

Abahlatshwe eyesibili labo bazinkulungwane ezingamatshumi phose amathathu, 26,334.

Asebehlatshwe ijekiseni yakuqala bonke sebephezu kwezigidi ezimbili, 2,064,314 kuthi asebehlatshwe eyesibili njalo ingeyokucina sebephezu kwesigidi, 1,224, 715.

Isiphathamandla senhlanganiso yeCitizens Covid-19 Monitor uMnu Effie Dlela Ncube uthi lanxa inani lababanjwa lumkhuhlane kanye labafayo likhanya selisehla, uzulu kamelanga ayekethiseni.

please wait

No media source currently available

0:00 0:02:45 0:00

Kusenjalo, ibandla leMDC Alliance selithumele amazwi enduduzo emulini yentathelizindaba yeStudio 7 uKudzanai Musengi yena obhujelwe nguNkosikazi wakhe, uyisezala kanye loninazala ngeviki edluleyo.

Abathathu laba bathethwe ngumkhuhlane weCovid-19 belandelana.

Umsekeli wesikhulumeli salelibandla uMnu Felix Magalela Mafa Sibanda utshele iStudio 7 ukuthi bakhala kanye lomndeni wakoMusengi.

please wait

No media source currently available

0:00 0:01:36 0:00

Facebook Forum

XS
SM
MD
LG