Kubhubhe abantu abangamatshumi phose amathathu, 28, ngeCovid-19 eZimbabwe ngoLwesithathu.
Kutholakale njalo abedlula inkulungwane, 1,331, belomkhuhlane lo.
Lokhu kukhweze inani lasebefile laya kunkulungwane elamakhulu phose ayisitshiyangalombili, 1,789.
Asebebanjwe lumkhuhlane bona sebezinkulungwane ezingamatshumi phose amahlanu, 49,864.
Abahlatshwe ijekiseni yakuqala yokuvikela lumkhuhlane ngoLwesithathu njalo bedlula inkulungwane eziyisithupha, 6,452.
Abantu abahlatshwe eyesibili bedlula inkulungwane ezilitshumi, 10,389 kuthi asebehlatshwe eyakuqala bonke sebengu777,161.
Asebehlatshwe eyesibili njalo ingeyokucina bona sebengu555,277.
Isiphathamandla senhlanganiso eqhuba inhlelo zokwenqabela lumkhuhlane eyeZimbabwe Christian Alliance uMfundisi Useni Sibanda utshele iStudio 7 ukuthi abantu kumele belandele iziqondiso ezibekiweyo njalo lohulumende ehlabe abantu ngobunengi.
