amalinks wokungena

Breaking News

Kubhubhe Abantu Abangu-44 ngeCovid-19 eZimbabwe ngeSonto


APTOPIX Virus Outbreak Indonesia

Kubhubhe abantu abangamatshumi amane lane, 44, ngeCovid-19 eZimbabwe ngeSonto.

Kutholakale njalo abedlula amakhulu ayisithupha, 617, belomkhuhlane lo. Lokhu kukhweze inani lasebefile laya kunkulungwane ezedlula ezintathu, 3,094.

Asebebanjwe lumkhuhlane bona sebelanda inkulungwane ezilikhulu, 97,894.

Abahlatshwe ijekiseni yakuqala yokuvikela iCoronavirus ngeSonto njalo babazinkulungwane ezingamatshumi phose amabili, 18,452.

Abahlatshwe eyesibili bona bedlula kancane inkulungwane ezimbili, 2,286, kuthi asebehlatshwe eyakuqala bonke sebelanda isigidi esilengxenye, 1,447,342.

Asebehlatshwe eyesibili njalo ingeyokucina sebephezu kwengxenye yesigidi, 680,060. Ilizwe lamukele amajekiseni ayisigidi athengwe kwelechina ngeSonto.

Lokhu kwenzakala ngesikhathi umkhuhlane lo usumemetheka ngamandla njalo ubalala abantu abanengi.

Isiphathamandla senhlanganiso yeGwanda Residents Association uMnu Molven Dube utshele iStudio 7 ukuthi laseGwanda usuhlasele ngamadla lumkhuhlane.

please wait

No media source currently available

0:00 0:02:53 0:00

Facebook Forum

XS
SM
MD
LG