amalinks wokungena

Breaking News

Kubhubhe Abantu Abangu-61 ngeCoronavirus eZimbabwe ngoLwesine


Russia sputnik vaccine

Kubhubhe abantu abangamatshumi ayisithupha lanye, 61 ngeCovid-19 eZimbabwe ngoLwesine.

Ugatsha lwezempilakahle luthi kufunyanwe njalo abazinkulungwane ezedlula ezimbili, 2,301, belomkhuhlane lo.

Lokhu kukhweze inani lasebebulewe yiCoronavirus kulelilizwe laya kunkulungwane phose ezintathu, 2,870, kuthi asebetholakele belomkhuhlane lo bakhwele baya kunkulungwane ezedlula amatshumi ayisitshiyagalolunye, 93,421.

Abahlatshwe ijekiseni yakuqala yokuvikela lumkhuhlane ngoLwesine bazinkulungwane ezingamatshumi phose ayisithupha, 59,872.

Abahlatshwe eyesibili bona bazinkulungwane phose eziyisitshiyangalombili, 7,757.

Abantu asebehlatshwe ijekiseni yakuqala bonke sebengu-1,352,514, kuthi asebehlatshwe eyesibili njalo ingeyokucina sebengu-664,587.

Abatholakale sebepholile izolo bedlula kancane inkulungwane ezimbili, 2,096, njalo abaphethwe yilumkhuhlane sikhuluma nje bazinkulungwane phose ezingamatshumi amathathu, 28, 828.

Facebook Forum

XS
SM
MD
LG