WASHINGTON DC —
Ugatsha lwezempilakahle luthi kubhubhe abantu abayisikhombisa ngeCovid-19 eZimbabwe ngoLwesine.
Luthi njalo kutholakale abedlula ikhulu, 143, belomkhuhlane lo.
Abahlatshwe ijekiseni yakuqala yokuvikela lumkhuhlane bedlula kancane izinkulungwane eziyisitshiyagalolunye, 9,145.
Abahlatshwe eyesibili njalo ingeyokucina bedlula inkulungwane ezilitshumi lambili, 12,588.
Asebebulewe yilumkhuhlane sebezinkulungwane ezedlula ezine, 4,655, kuthi asebetholakele belawo sebeku132,251.