amalinks wokungena

Breaking News

Kubhubhe Abayisithupha ngeCovid-19 eZimbabwe ngeSonto


FILE - In this April 7, 2021, file photo, cemetery workers wearing protective gear lower the coffin of a person who died from complications related to COVID-19 into a gravesite at the Vila Formosa cemetery in Sao Paulo, Brazil.

Kubhubhe abantu abayisithupha ngeCovid-19 eZimbabwe ngeSonto njalo kwatholakala abedlula ikhulu, 151, belomkhuhlane lo.

Lokhu kukhweze inani lasebefile laya kunkulungwane elamakhulu edlula ayisikhombisa, 1,672.

Asebebanjwe lumkhuhlane bona sebephezu kwenkulungwane ezingamatshumi amane, 41,779.

Abezempilakahle bathi umkhuhlane lo ubhahe kakhulu endaweni esezivaliwe ezifana leKariba, Makonde, Karoi leKwekwe.

Usudlangile njalo endaweni ezingakavalwa ezifana leMagunje, Chirundu, Mhangura, Mt Darwin lasemalokitshini akoBulawayo abalisa iNkulumane, iEmakhandeni lamalokitshi asenyakatho yedolobho.

Abahlatshwe ijekiseni yakuqala yokuvikela lumkhuhlane ngeSonto bazinkulungwane phose ezimbili, 1,717.

Abahlatshwe eyesibili bona bedlula kancane inkulungwane ezintathu, 3,096.

Asebehlatshwe eyakuqala bonke sebengu703,065 kuthi asebehlatshwe eyesibili njalo ingeyokucina bona sebengu435,668.

Isiphathamandla seBulawayo Progressive Residents Association uMnu Ambrose Sibindi utshele iStudio 7 ukuthi okumemethekisa lumkhuhla ekulelidolobho yikuthi abantu bakhanya bengelandaba lemigoqo efakwe nguhulumende.

please wait

No media source currently available

0:00 0:02:56 0:00

Facebook Forum

XS
SM
MD
LG