WASHINGTON DC —
Ugatsha lwezempilakahle luthi kubhubhe oyedwa ngeCovid-19 eZimbabwe ngoLwesithathu njalo kwatholakala abafika phose ikhulu, 99, belomkhuhlane lo.
Luthi njalo abantu abahlatshwe ijekiseni yakuqala yokuvikela lumkhuhlane bazinkulungwane phose ezilitshumi lambili, 11,788.
Abahlatshwe eyesibili bedlula inkulungwane ezilitshumi lanhlanu, 15,257.
Lokhu kutsho ukuthi inani lasebehlatshwe ijekiseni yakuqala likhwele laya phezu kwezigidi ezintathu, 3,140,685, kuthi asebehlatshwe eyesibili njalo ingeyokucina sebephenzu kwezigidi ezimbili, 2,358,223.
Asebehlaselwe yilumkhuhlane bedlula inkulungwane ezilikhulu, 131,434. Asebebhubhile bona sebephezu kwenkulungwane ezine, 4,630.