amalinks wokungena

Breaking News

Kubhubhe Oyedwa ngeCovid-19 koBulawayo, Abafika Phose Ikhulu Babanjwe Lumkhuhlane Elizweni Lonke


Coronavirus, Zimbabwe

Inani labantu asebebulewe ngumkhuhlane weCovid-19 eZimbabwe likhwelile ngoLwesihlanu laya kumakhulu amabili alamatshumi ayisikhombisa lanhlanu, 275, kulandela ukubhubha koyedwa koBulawayo.

Lokhu kutsho ukuthi inani lasebebulewe ngumkhuhlane lo kulelidolobho kulinyanga kuphela selifike kumatshumi amabili lane, 24.

Kulabangamatshumi ayisitshiyagalolunye lanye, 91, njalo ababanjwe lumkhuhlane izolo. Phakathi kwabantu laba, abangamatshumi phose amane, 39 ngabakoBulawayo.

Lelidolobho yilo eliqhubeka likhokhela ngenani lababanjwa umkhuhlane lo kanye labafayo elizweni lonke kulezinsusuku.

Inani lasebebanjwe umkhuhlane lo selokhu waqhamukayo eZimbabwe likhwele laya ku9714 kwathi asebesilile bakhuphuke baya ku8470.

Abalokhe begula bafika phose inkulungwane eyodwa, 969. Idolobho lakoBulawayo yilo elikhokhelayo ngabagulayo laba abangu351 lilandelwa yiMatabeleland North yona elabantu abangu201.

I-Mashonaland West ikuzinga lesithathu labantu abangu137 ilandelwa yiHarare elabantu abaphose bangene kukhulu, 99.

Isigaba seMatabeleland South sona sikuzinga lesihlanu lezigula ezingu87.

Ababalisi bakhala ngokuthi umkhuhlane lo usumemetheka kakhulu ezikolo, okuyinto abathi ifaka impilo zabo lezabafundi engozini enkulu.

Ezinye zalezizikolo zigoqela eseJohn Talach eNtabazinduna, iMatopo High, iChinhoyi High leAnderson Secondary eseGweru.

Isiphathamandla senhlanganiso yababalisi iProgressive Teachers Union of Zimbabwe (PTUZ) uNkosikazi Nokuthila Hlabangana uthi okudanisayo yikuthi uhulumende waxwayiswa ngokuvula izikolo engalungiselelanga kodwa wangalaleli.

please wait

No media source currently available

0:00 0:02:15 0:00

Facebook Forum

XS
SM
MD
LG