Igqwetha lakweleSouth Africa ebelidumile emhlabeni wonke jikelele uMnu George Bizos, yena owamela omuyi , uMnu Nelson Mandela loMnu Morgan Tsvangirai, kasekho.
UBizos ubhubhe izolo eseleminyaka yokuzalwa engamatshumi ayisitshiyagalolunye lambili, 92.
UBizosa wayeligqwetha likaMandela ngesikhathi ehlukuluzwa nguhulumende wabelungu owayebandluluba abantu abansundu kweleSouth Africa.
Kwathi ngo2002 wamela owayengumkhokheli weMDC uMnu Tsvangirai kucala ayeletheswa elokuzama ukugenqula umbuso kaMnu Robert Mugabe ngodlakela.
UTsvangirai wafunyanwa yinkantolo emsulwa.
UMongameli weSouth Africa uMnu Cyril Ramaphosa ukhalele imuli kaBizos esithi umufi wasebenza galala kumzabalazo wokukhulula ilizwe lakhe lokuthuthukisa umbuso okhululekileyo.
Amagqwetha eZimbabwe agoqela uMnu Tendai Biti loMnu Arnold Tsunga bachaze uMnu Bizos njengeqhawe elizakhunjulwa ngokulwela amalungelo.