amalinks wokungena

Breaking News

Kubotshwa Abalwa Impi Yenkululeko Betshengisela eHarare


Amapholisa namhlanje abophe abalwa impi yenkululeko, eHarare laph abakade betshengisela bekhonona ngodaba lwemali zabo zamapension,. Kubotshwe abantu abangaba ngamatshumi amathathu-30.

Abalwa impi yenkululeko laba kade behlabela bebanga umsindo ekutshengiseleni kwabo abakwenzele endaweni ye Africa Unity Square edolobheni le Harare. Okulapho abacine begijinyiswa ngamapholisa ngemva kwenyanga ezimbili baxotshaniswa ngandlela yinye ngamapholisa ngesizatho esifanayo kunyanga edluleyo.

Bebefuna ukutshiya incwadi yabo yokukhonona ku Mongameli Emmerson Mnangagwa emahofisini akhe awe Monomotapa. Amapholisa ahle aqala ukubonakala edolobheni le Harare kusukela ekuseni belungiselela ukuba bahle babagijimise.

Abalwa impi yenkululeko laba baqale ukuhluphana lamapholisa ngemva kokuba befice evale indawo ye Africa Unity Square lapho abakade befuna ukubuthana khona.

Okade ebakhokhela uNkosikazi Shorai Nyamangari uthe basola indlela asebephathwa ngayo nguhulumende.

“Njengabalweli bempi yenkululeko kasisasananzwa. Siyahawula. Sihola i16 000RTGs ngenyanga. Salelwe imvumo yoku ehofisni ka Mongameli welizwe kungela sizatho”

Omunye owalwa impi ekuviyo le ZPRA uMnu Baxter Magwizi uthe okwenzakale namhlanje kutshengisa sobala ukuba uhulumende we ZANU PF akasela ndaba lempilo zabo.

“Inhlupho ezihlangana labalweli bempi yenkululeko ziyafana. Kungaba yi ZPRA lo yi ZANLA. Kulomthetho omutsha osukhona. Lokhu abakhala ngakho yikho lathi esikhala ngakho endaweni zonke zelizwe”

Uqhubeke esithi njengabalwa impi yenkululeko bazazama ngazo zonke ukuba uhulumende alalele izifiso zabo.

“Badonsa inyawo kodwa izinto zibhalwe phansi ukuba balungise indubo zethu. Kulokuphuza kulokudonsa. Asikhali kakhulu njengabalweli kodwa sifisa ukuba izinto lezi zilungiswe”

Labo ababotshiweyo bebese Harare Central Police kabakatshelwa ukuba icala labo abalibotshelweyo ngelani.

Isikhulumeli samapholisa uMnu Paul Nyathi uthe usamelele ukuphiwa umbiko walokho okwenzakeleyo kumholi wamapholisa uOfficer Commanding we Harare, kuthi imizamo yokuxhumana lomphathintambo wendaba zabalwa impi yenkululeko, uNkosikazi Oppah Muchinguri yehlule.

Facebook Forum

XS
SM
MD
LG