Amapholisa asebophe abantu abacatshangelwa ukuba bathengisa iZimbabwe Gold okungekho emthethweni. Isikhulumeli samapholisa uSenior Assistant Commissioner Paul Nyathi uthi babopha abatshintsha imali le bebambisana lebhanga elikhulu lelizwe eleReserve Bank of Zimbabwe.
Ababotshiweyo kucatshangelwa ukuthi benza ukuba kugugudeke isisindo seZiG. Abangamatshumi ayisithupha lanhlanu – 65 ababotshwe eHarare bahanjiswe emthethwandaba namuhla babiselwa ngumantshi entilongweni.
Uhlangothi lukahulumende olubona ngezemithetho olweNational Prosecuting Authority of Zimbabwe luthi abantu laba batholakale belemitshina yokutshintsha imali njalo lama khadi email atshiyeneyo.
Okwamanje idollar leMelika lithenga amaZiG angamatshumi amabili – 20 emkambo wensitha kuthi emkambo webhanga leReserve Bank of Zimbabwe lithenga amaZiG edlula kancane itshumi lantathu – 13.2.
Ukubotshwa kwabathengisa imali ngudlu kuzamisa na ukugugudeka kweZiG?
Ukuze sihlaziye udaba lolu, sixoxe loMnu. Joseph Tshuma okubandla leZanu PF njalo ongusomabhizimusi othi kumele kubotshwe bonke abantu abathengisa imali okungekho emthwethweni.
Kodwa uMnu. Stevenson Dlamini, ingcwethi kwezombusazwe osekolitshini leNational University of Science and Technology, uthi okubotshwa kwabantu akusoze kumise ukugugudeka kweZimbabwe Gold.
Forum