amalinks wokungena

Breaking News

Kubotshwa Usikhwicamfundo Levi Nyagura weUniversity of Zimbabwe Okuthiwa Wanika uGrace Mugabe iPhD


FILE - UNkosikazi Grace Mugabe.

Zimbabwe Service

Ikhomishini ebona ngezokungethembeki eyeZimbabwe Anti-Corruption Commission (ZACC) isibophe usikhwicamfundo Levi Nyagura wekolitshini leUniversity of Zimbabwe okuthiwa wanika uNkosikazi Grace Mugabe isicoco seDoctor of Philosophy Degree okungekho emthethweni.

Omunye wabakukhomishini le, uMnu. Goodson Nguni, utshele umsakazo weVOA Studio 7 ukuthi kuliqiniso ukuthi uNyagura ubotshiwe.

Ingcwethi zombusazwe labakukhomishini yeZACC bathe sokudumela emansumpeni ukuthi uNkosikazi Mugabe abotshwe.

UNkosikazi Mugabe kuthiwa waloba ucwaningo lwakhe olwe thesis ekhangelwe ngusikhwicamfundo Claude Mararike engavunyelwanga uhlangothi lweUZ olwe Department of Sociology.

Kwakumele ukuthi iUniversity Council leSenate Committee zihlolisise okumele kwethulwe nguNkosikazi Mugabe engakangeni ezandleni zikaMararike.

Izikhwicamfundo zekolitshini leUniversity of Zimbabwe kanye lezifundi zabhalela uNyagura zimtshela ukuthi isicoco se-doctorate sikaNkosikazi Mugabe sayangisa ikolitshi leli eselichothozwa ngamazwe amanengi.

Kodwa uNyagura waqhubekela phambili esithi isicoco sika Nkosikazi Mugabe sisemthethweni.

Facebook Forum

XS
SM
MD
LG