amalinks wokungena

Breaking News

Kubotshwe Amapholisa lamaCIO Ngecala Lokusebenza loRushwaya Kudaba Lwegolide


FILE - Police arrest a health worker during a protest against economic hardship and poor working conditions during the coronavirus disease (COVID-19) outbreak in Harare, Zimbabwe, July 6, 2020.

Sekubotshwe abantu abayisithupha abagoqela amapholisa labogatsha lwabacuphi, amaCIO, besetheswa icala lokusebenza lobengumkhokheli wenhlanganiso yeZimbabwe Miners’ Federation uNkosazana Henrietta Rushwaya kudaba lokuzama ukuphuma elizweni ngudlu legolide.

URushwaya ubotshwe ngoMvulo ngesikhathi ezama ukugada indizamtshina eRobert Gabriel Mugabe Airport, eHarare, esiya eDubai efihle i6kg zegolide elibiza imali ephezu kweUS$300,000.

Ebuzwa ukuthi wayelithethe ngaphi leligolide njengoba wayengelancwadi zalo, uNkosazana Rushwaya watshela amapholisa ukuthi lalingelikasomabhizimusi uMnu Ali Mohamad, ongomunye wabayisithupha laba asebebotshiwe.

Kumbiko awethule ngoLwesine amapholisa athe abanye bababotshiweyo laba ngamapholisa amabili uMnu Paul Chimhungu onguDetective Chief Inspector loSupretendent Shoko.

Kubotshwe njalo uMnu Stephen Chenjerai Tserayi loMnu Raphios Mufandauya ababikwa bengamaCIO kanye loMnu Gift Karanda, obikwa waqamba amanga ukuthi laye ungumcuphi.

Abayisithupha laba bazamiswa emthethwandaba ngoLwesihlanu lapho uRushwaya azaphindela laye enkantolo ukuyakuzwa ukuthi siyavunyelwa na isicelo sakhe sokuthi akhululwe nge-bail kumbe hatshi.

Inhlanganiso yeZimbabwe Miners’ Federation yazise ukuthi isimise uRushwaya umsebenzi njalo osengene esikhundleni sakhe ngobengumsekeli wakhe uMnu Marufu Sithole.

Facebook Forum

XS
SM
MD
LG