Isiphala sokubukisa ezembali lezokubaza iNational Art Gallery lonyaka ilombukiso ye art yezithombe ezilungiswe ngesamende ezifana nje lezijwayelekileyo. Umbukiso lo wenziwe kubanjiswana le labenkampani abalungisa isamende eye Pretoria Portland Cement.
Lumbukiso ubizwa ngokuthi yi PPC Imaginarium njalo uyikusebenzelana phakathi kwe National gallery ye Zimbabwe lenkampani yePPC eyeZimbabwe leye South Africa.
Umnunzana Raphael Chikukwa ongumsekeli kamqondisi wali gallery uthi yikuqala ukuba bebe le art enje:
Kutsho uChikukwa: “Lokhu yikuqala ukwenza iart enje e Zimbabwe. Izansi ye Africa yona isileminyaka ikwenza. Sikhuluma nje sila ma artists ayi thwenty five avela e Mutare , eHarare lako Bulawayo.”
U Chikukwa uthi ukusebenzelana okunje kunjonge ukuthuthukisa eze art elizweni ethi lumbukiso ugoqela lomncintisano phakathi kwabaquba imisebenzi ye art okungabanikeza imali.
“Kuzoba lama awards azanikezwa ama artist. Eyakuqala izaba yi 50 thousand rand eyesibili iyi 20 thousand rand lamanye. Ama artists la avela e Bulawayo,e Mutare le Harare Bonke bakhona,” kutsho uChikukwa.
Umnumzana Juda Dube osebenzela igallery uthi ukusebenzelana lokhu kuvula amathuba endlela ezintsha ku ma artist akuleli.
“Sizama ukuthi sifundise abantu bebekwazi ukuthi I samende aisiyo eyokwakhisa kuphela .Kunengi okungenziwa ngesamende .Khathesi abantu abafana lama artist bakhona abakwaziyo ukubaza amatshe abanye bependa kodwa khathesi balakho ukusebenzisa I samende bebumba njengomuntu obumba imbiza ngomdaka,” kutsho uDube.
Ama artist amanengi kuleli ajwayele ukusebenzisa amatshe lezigodo kumisebenzi yawo yokulungisa izithombe kanti ama gallery evame ukuqakathekisa izithombe zamatshe. Ama artist la acina edinga indawo angathola khona amatshe alungele lumsebenzi okubadlela isikhathi le mali.
