amalinks wokungena

Breaking News

Kubulawa Umlimi Onsundu Ngama War Vets


Zimbabwe War Vets
Zimbabwe War Vets

Abalwa impi yenkululeko abalitshumu abetheswa icala lokubulula umlimi onsundu emasvingo ngenyanga kanhlangula bamiswe phambi komthethwandaba weGweru izolo.

Abantu laba babikwa bahlahlela uMnu. Mufaro Mukaro ngehloka wafa.

Kunjalo nje, ibandla leZapu selixwayise uMongameli Mugabe ukuthi amise ukuthunjwa kwamapulazi ngabasekeli beZanu PF okuqhubekayo endaweni ezinengi zelizwe ikakhulu ematabeleland.

Lelibandla lithi uMugabe engavumela ubudlwangudlwangu lobu busiya phambili, elizweni kulakho ukuqhamuka ukufuthelana kanye lokulwisana okukhulu. Umbiko lo ulandela ukuthunjwa kwepulazi likaMnu Dumiso Dabengwa umkhokheli weZapu ngabasekeli beZanu PF kumaviki edluleyo.

Kodwa baphange basuswa ngamapholisa kuleli pulazi. Elinye ipulazi elisanda hluthunwa ngabasekeli beZanu PF eMatabeleland ngelomlimi omhlophe uMnu David Conolly elise Figtree.

XS
SM
MD
LG