amalinks wokungena

Breaking News

Kubunjwa Inhlanganiso Yamalunga eZanu PF Alezikhalazo Zokudingelwa Inkokheli


Imota ze Zanu PF

Sokubunjwe inhlanganiso yamalunga eZanu PF alezikhalazo eziphathelane lokhetho oluzayo ezibalisa ukudingelwa abazancintisa kukhetho, ethiwa yi National Zanu PF Aggrieved Voters Association ” – kumbe NAVO.

Inhlanganiso ye NAVO ibunjwe kumaviki ambalwa asanda kwedlula ngemva kokuqala kokukhetha abanzacintsa kukhetho. Linhlanganiso ithi kayithakazeleli ukukhethelwa abazancintisa kukhetho lwebandla, olwama primary, ikakhulu abacatshengelwa ukuthi babekucele le G40.

Nge Sonto inkokheli yalinhlanganiso yenze umhlangano lentathelizinda okuvele khona inkuthazo yenkokheli yezigabeni ukuba ibofunda ukukhuluma iqiniso kunkokheli yebandla yaphezulu, yehlukane lomkhuba wokungenisa ezikhundleni abantu abaziwayo ukuba babekucele le G40.

Umkhokheli wenhlanganiso le uMnu. Austine Chindeka utshele intathelizindaba ukuba abangakho njengenhlanganiso yikwenza ukuthi ilizwi lokukhalaza kwabo kunkokheli yaphezulu lifinyelele khonale.

UMnu. Misheck Ngazimbe oyisiphathamandla salinhlanganiso uchaze okwenzakalayo njengokubuyisela muva ukuphumelela kwebandla kukhetho oluzayo nxa bengavunyelwa ukungena kumncintiswano yebandla, ama primaries, abasolwayo laba.

Abenhlanganiso le bathi abakudingayo yikubona lingqoba ibandla le Zanu Pf kukhetho oluzenziwa kunyanga ezimbalwa ezilandelayo.

please wait
Embed

No media source currently available

0:00 0:02:41 0:00

Facebook Forum

XS
SM
MD
LG