amalinks wokungena

Breaking News

Kufa AbeZimbabwe AbaseBhilithani Beqaleka Bengagulanga


Udubo lokuqaleka abantu bahle bafele konapho lukhanya solubhahile kuzizalwane zeZimbabwe ezihlala eNgilande, abantu sebedidane ingqondo ukuthi kungani abantu besiwa besifa kangaka kulezinsuku. Inengi labafayo batholakala ukuthi bebesebenza kakhulu bengaphumuli.

UMnu. Zibusiso Ncube, esinye sezizalwane zeZimbabwe ebesisembuthanweni wemfa eNorwich, uthe, "Kunjenje lami ngitshiywe ngumnganiwami okade esemsebenzini, uhambe esiyasebenza wafika phambi kwepatient sibili wakholapsa, ubunzima bangkhona yikuthi unkosikazi wakhe usekhaya".

UNkosazana Ngirivani Ndlovu, omunye obesebenza engaphumuli othi le ngeyinye engaba yimbangela yaloluhlupho.

"Bengithanda ukusebenza ngisuke from a night shift ngiyekuday shift engxenye ngile Agency plus permanent job, l did that. Even ngilomntwana omncane l used to work hard ngingelasikhathi sokuphumula but ngabona ukuthi lokhu kuzangihlupha".

UMnu. Benard Nyoni ngomunye ophose waya kogoqanyawo ngokusebenza kakhulu engaphumuli.

"Ngizwe sengiginqa lapha, ngike ngashaya ngithi wothi ngike ngisebenze ngikhavikhavise okuyizinto okuyizikwerede. Okuyinto kwangithatha mani ngathi ngigijima ngisiya kudokotela, udokotela wathi nomore no no no no vele efuna ukungivalela wathi over working, akuhlalephansi, uzabulawa ngumsebenzi, imali ayipheli, kuphela wena".

Izibhedlela lokubona uDokotela akubhadaliswa kweleBhilithane kodwa inengi alihambi ukuyahlolwa ukuze bavikeleke kweminye imikhuhlane. UGogo uMaSithole uyabacebisa

"Abantu abafunde ukuya kubodokotela ngoba okubulala abantu kunengi. Umuntu uyenela ukubonakala ijwabu lakhe lincwaba ngaphandle kodwa elemikhuhlane eminengi enjenge high blood pressure, ihigh cholesterol, kumbe okunye okunjalo"

Ukusebenza njengobabhemi ungazi ngesimo sakho kwezempilo kuyingozi. UDokotela John Ndebele ugcizelela ngobubi bakusebenza umuntu engaphumuli.

"Sithola inengi labo imizimba yabo iyabe ikhathele ngokusebenza kakhulu, okwenza babe lestress besekwenza batshaywe yistroke or babe leheart failure. Abasenzayo kumele bazicabangele ngempilakahle yabo, baba lebalanced food diet, njalo bandise ama exercise"

Izizalwane zeZimbabwe zisebenze emini lebusuku eBhilithane ngoba zifuna imali yokubhadala irent lapha ezihlala khona lendleko zabo kukanti kumele zithumele njalo izihlobo labemuli ekhaya abanye bankona abayidla leyo mali butshapha bengazi ukuthi isetshenzelwa njani. Konke lokhu kwenza basebenzegadalala njalo bengazi ukuthi bangabe belezifo abangazaziyo kusuke kwenze baqaleke bahle bafele khonapho bengagulanga.

please wait

No media source currently available

0:00 0:03:02 0:00

Facebook Forum

XS
SM
MD
LG