amalinks wokungena

Breaking News

Kufe Oyedwa Izolo ngeCovid-19 eZimbabwe Kwathi Abangu-139 Babanjwa Lumkhuhlane


Kuhlolwa Indawo Zokwelapha Abalomkhuhlane Onjenge Coronavirus

Kulomuntu oyedwa obulawe ngumkhuhlane weCovid-19 ezimbabwe izolo. Lokhu kukhuphule inani labantu asebedliwe yisifo lesi kuleli laya kumakhulu amabili lasitshiyangalombili, 208.

Ugatsha lwezempilakahle luthi obhubhe izolo lo yisakhamuzi sakoBulawayo. Luthi njalo ababanjwe lumkhuhlane izolo balikhulu elilamatshumi phose amane, 139.

Lokhu kukhweze inani lasebefunyenwe belegciwane leCoronavirus eZimbabwe laya kunkulungwane eziyisiyisikhombisa lekhulu eliletshumi lasithupha 7,116.

Kulabalitshumi lantathu njalo abatholakale sebesindile. Asebephephile bonke sebephezu kwenkulungwane ezinhlanu, 5373.

Abalokhe begula bayinkulungwane eyodwa elamakhulu amahlanu lamatshumi amathathu lanhlanu, 1535.

Ezwekazi leAfrica umkhuhlane lo usubulele abantu abangu31,082, ngokutsho kweAfrica Centers for Disease Control and Prevention. Asebebanjwe lumkhuhlane bona sebengu1,293,048.

Emhlabeni jikelele abeJohn Hopkins University bathi sokufe abantu abedlula 881,000. Asebebanjwe lumkhuhlane bona bangu26,9 million.

Isiphathamandla senhlanganiso elimukisa uzulu ngalumkhuhlane eyeCitizens Covid-19 Monitor uMnu Effie Dlela Ncube utshele iStudio 7 ukuthi okudanisayo yikuthi kulabanye abalokhu bengathembi ukuthi iCoronavirus ikhona njalo iyabulala.

please wait

No media source currently available

0:00 0:02:59 0:00

Facebook Forum

XS
SM
MD
LG