amalinks wokungena

'Kuhle Kakhulu Ukutshiyelana Umbuso'

  • Gibbs Dube

UMnu. Donald Trump

Asekuzinga eliphezulu amalungiselelo okugcoba ozabangumongameli omutsha weMelika, UMnu. Donald Trump, eCapitol Hill, ozabekwa esikhundleni eWashington DC ngoLwesihlanu.

Sokufakwa izihonqo zokuhlolisisa abantu abazakuya emkhosini lo kuthi njalo ledale lephalamende lamalunga eCongress leSenate selilungiswe okumangalisayo kwafakwa lama flagi eMelika, izitulo zeziphathamandle njalo lezihonqo zentathelizindaba.

Kukhangelelwe ukuthi abantu abanengi okwamagama bazakuya emkhosini lo owenziwa kungenziwa ukhetho sokwedule iminyaka emine eMelika.

Kambe kuqakatheke kanganani ukuthi omongameli beMelika batshiyelana umbuso ngelanga elibizwa ngokuthi yiPresidential Inauguration?

UMnu. Nkululeko Sibanda, isizalwane zeZimbabwe esifundisa ekolitshini leHuddersfield eBhilithane, uthi ukutshiyelana umbuso kwabomongameli beMelika yikho okwenza kube lombuso obalulekileyo elizweni leli.

“Ngibona kuyinto enhle kakhulu ukuthi kuphume umongameli kungene omunye okhethwe ngabantu. Ilizwe kalibuswa ngumuntu ngokuthanda kwakhe, libuswa ngemithetho.”

Uthi emzweni anjenge Zimbabwe lokhu akwenzakali ngoba konke okwenziwayo kusuka kuhulumende hatshi uzulu.

XS
SM
MD
LG