amalinks wokungena

Breaking News

Kwezamasiko Liviki Sikhangela Uhlelo Lokusokwa Kwabesilisa


Kuhlelo lwezamasiko lokuphila kwabantu, liviki sihlaziya udaba lokusoka olwenziwa kakhulu ngabohlobo lwesi Xhosa lama Tshangana bakwele South Africa.

Kulezinsuku kulohlelo lokusoka eZimbabwe olusekelwa zinhlanganiso ezitshiyeneyo ezinjenge Population Services International, United States President’s Emergency Plan For Aids Relief -PEPFAR, eye Bill and Melinda Gates Foundation kanye lenhlanganiso yomanyano wamazwe womhlaba eye World Health Organization.

Loba kunjalo, bakhona abalokhe besoka besebenzisa imikhuba yasendulo.
Amazwe alitshumi lantathu ezansi yezwekazi le Africa asungula uhlelo lokusoka ngomnyaka ka 2009. Lokhu kwakulandela okwahlelwa zingcwethi ezikhangelane legcikwane lengculaza ele HIV okwakutshengisa ukuthi ukusoka kwehlisa ingozi yokuthathela igcikwane leli ngesilinganiso sokungamatshumi ayisithupha ekhulwini – 60%.

Inhlelo zokusoka ziyaphumelela kwamanye amazwe kodwa zidonsa nzima kulawo avame ukuba lemicabango yokuthi kulabantu abaloyayo. Ulwazi kuzulu ngalezi nhlelo kwesinye isikhathi kalutholakali njalo abanye besabela ukuthi ihloka kalizose lagamula nxa owesilisa esesokiwe.
XS
SM
MD
LG