amalinks wokungena

Breaking News

Kukhulekelwa uDzamara Othunjwe ngoMbimbitho


Itai Dzamara

Abantu abedlula amatshumi ayisithupha bahlangane eAfrica Unity Square eHarare ngoMvulo bekhulekela uMnu Itai Dzamara othunjwe ngoMbimbitho ngabantu abacatshangelwa ukuthi ngabasekeli bakaMongameli Robert Mugabe.

Abangene umbuthano lo bakhuthaze inhlangothi zonke zomvikela ukuthi zidinge uDzamara njengokulaya komthethwandaba weHigh Court.

Bathe kusobala ukuthi uhulumende kalandela lesi sinqumo ngoba kungelambiko ayethulayo ngesikhathi esifunakalayo ngokuthi ihamba njani imizamo yokudinga uMnu Dzamara.

Umthethwandaba wawuthe uhulumende kumele ethulwe imbiko yokudinga uDzamara kabili ngenyanga.

UMnu. Charles Nyoni omunye wabaphatheke esemthandazweni lo njalo olilunga lenhlanganiso yeOccupy Africa Unity Square, utshele iStudio 7 ukuthi sebezahambisa udaba lolu emthethwandaba, babotshwe labo abangadingi uDzamara ngemfanelo.

“Sibona engani uhulumende kalandeli lokho okwethulwa lidale lomthethwandaba, ngakho sibone kungcono ukuthi sibuyele eHigh Court lapho esesibabophisa khona sifuna ukuthi batsho ukuthi kwenzakalani ngoDzamara,” kuchaze uNyoni.

please wait

No media source currently available

0:00 0:02:01 0:00
Lapho esitholakala khona

Inhlanganiso kaMnu Nyoni ifuna uMugabe asuke esikhundleni ngoba esehlulekile ukubusa ilizwe kuhle.

Kasenelisanga ukukhulumisana lemapholisa kanye lesikhulumeli sehofisi kaMongameli Mugabe.

XS
SM
MD
LG