Kulabantu asebephanyeke edale leHigh Court isicelo sokuba kuhlolisiswe isiqa somthetho weCriminal Law (Codification and Reform) Act esivimba abeZimbabwe ukuba bekhulume labakwamanye amazwe ngezijeziso zenotho lokunye.
Intathelizindaba uMnu. Valentine Maponga loPaidamoyo Muzulu ababambisana le-Veritas bafisa njalo ukuba kuhlolisiswe isigwebu esifakelwa labo abephula umthetho lo abalakho ukugwetshelwa ukulengiswa.
Bathi isiqa somthetho lo kasikho emthethweni ngoba sivimba abeZimbabwe ukuba bexoxisana labanye babo kwamanye amazwe ngezijeziso zenotho lokunye.
UNkosikazi Virginia Mabhiza, okhokhela uhlangothi lwezemithetho olweAttorney General’s Office, uthe kakaphiwa amaphepha ahambelana lodaba lolu.
Ukuze sihlaziye okudingwa ngodaba oluphanyekwe emthethwandaba, sixoxe loMnu. Joseph Tshuma, ofundela ukuba ligqwetha njalo omele iPelandaba-Tshabalala edale lephalamende ekubandla leZanu PF.
UTshuma uthi akumelanga abadabuka eZimbabwe bekhulume kubi ngelizwe labo.
Lokhu kuphikiswa nguMnu. Nhlanhla Moses Ncube othi ababili laba leVeritas bayitshaye ekhaleni ngoba akulangqondo okumunyetwe ngumthetho weCriminal Law (Codification and Reform) Act njalo lezigwebo ezifakelwa abephula umthetho lo.
Forum