amalinks wokungena

Breaking News

Kulabanye Abangenisa Izikhali Ngudlu Elizweni Ngenjongo Yokuqala Impi, Kutsho Uhulumende


Umphathintambo obona ngokuvikelwa kwelizwe uMnu Owen Ncube ngoMvulo wethese ibandla leMDC Alliance, inhlanganiso ezizimeleyo lamazwe aphetsheya icala lokuphehla ukungahlaliseki elizweni ngenjongo yokugenqula uhulumende weZanu PF.

Ekhuluma lentathelizindaba, uNcube uthe amazwe la asebenza lezinye izizalwane zeZimbabwe ukungenisa izikhali elizweni ngaphandle komthetho ukuze baqale impi.

UNcube uthe ibandla leMDC Alliance liqamba amanga ukuthi kulokukwephulwa kwamalungelo oluntu lokuthunjwa kwabantu eZimbabwe ngoba lifuna amazwe aphetsheya angenele asuse uhulumende kaMongameli Emmerson Mnangagwa.

Wengeze wathi iMDC Alliance isebenza lamalunga eG40 afana loMnu Jonathan Moyo, ukubangela ukudonselana kubandla leZanu PF.

Kodwa uthe abezomvikela bayakubona konke okwenzakalayo njalo bazimisele ukuvikela ilizwe.

AbeMDC Alliance bona bayakulandula ukuthi bazama ukugenqula uhulumende weZanu PF lanxa besithi akahloniphi amalungelo oluntu.

Facebook Forum

XS
SM
MD
LG