amalinks wokungena

Breaking News

Abanye Basola Impumela Yokhetho lweUganda Ngemva Kokunqoba kukaMongameli Museveni


UMnu. Yoweri Museveni loMnu. Bob Wine

UMnu. Wine uhle watshela intathelizindaba zase Uganda ukuba bekulokuqilibezela kulolukhetho ngoba uhulumende ucitshe ubulembu be internet, njalo wabulala iziphathandla zebandla lakhe endaweni ezinengi zelizwe.

Umongameli Yoweri Museveni we Uganda usenqobile kukhetho lokudinga umongameli kulelolizwe, lanxa omunye abencintisana laye uMnu.Robert Kyagulanyi, owaziwa ngokuthi ngu Bob Wine esithi uqilibezele.

Umgcinisihlalo wenhlanganiso ebona ngokuqhutshwa kokhetho kulelolizwe uMnu. Simon Mugenyi Byabakama wethule lumbiko ngokusemthethweni ngoMqibelo egcizelela ukuthi umongameli Museveni usezaqhubeka ebusa.

Umongameli Museveni, owebandla elibusayo eleNational Resistance Movement unqoba okwesithupha kukhetho lolu, njalo uzabusa kuminyaka emihlanu elandelayo ngemva kokuthola ama voti edlula amatshumi amahlanu ekhulwini 58 %. UMnu. Wine owebandla leNational Unity Platform, uthole amavoti edlula amatshumi amathathu ekhulwini; 34%.

UMnu. Wine uhle watshela intathelizindaba zase Uganda ukuba bekulokuqilibezela kulolukhetho ngoba uhulumende ucitshe ubulembu be internet, njalo wabulala iziphathandla zebandla lakhe endaweni ezinengi zelizwe.

Ibandla eliphikisayo elisanda ukubunjwa eZimbabwe, elle Ideas Party of Democracy lithi ukhetho lolu belungakhululekanga ngenxa yokungenela kwama sotsha lamapholisa. Likhuthaza umanyano weAfrican Union ukuba ungenele kuloludaba.

Umkhokheli walelibandla uMnu. Herbert Chamuka uthe okwenzakele eUganda kuyadanisa ngoba kungenzakala kwele Zimbabwe ngokhetho olufanayo ngomnyaka ka 2023. Uthi kufanele inhlanganiso ebona ngokuqhutshwa kokhetho elizweni eye Zimbabwe Electoral Commision yenze umsebenzi ngemfanelo.

Ingcwethi ecubungula ezombusazwe uMnu. Matthew Sithole uthi kufanele amabandla ezombusazwe aphikisayo abambane nxa efuna kube lenguquko elizweni.

please wait

No media source currently available

0:00 0:03:33 0:00


Facebook Forum

XS
SM
MD
LG