amalinks wokungena

Breaking News

Kulabanye Abathi Akula Lutho Olwethulwe NguMnangagwa Edale Lephalamende


UMnangagwa uya edale lephalamende ...
UMnangagwa uya edale lephalamende ...

Kulabanye abantu abathi akula okutsha okwethulwe ngoLwesibili edale lephalamende nguMongameli Emmerson Mnangagwa kumbiko wakhe oqakathekileyo oweState of the Nation Address (SONA).

Kodwa-ke abakubandla likaMnangagwa bathi bayamukela konke akwethule edale lephalamende.

Labo abamangaliswa ngokwethulwe nguMnangagwa bathi akukhulumileyo kufana xhathu lalokho okwakusethulwa ngowayengumongameli uMnu. Robert Mugabe.

Omunye walabo abachothoza okwethilwe nguMnangagwa nguNkosikazi Sichasisile Ndlovu.

“Akula okutsha kunkulumo kamongameli. Akazinikelanga … Kuhlelo lwemithetho yokhetho kazange atshengise ukuzinikela mandulo yini engamenza azinikele manje kufika ukhetho uyabe eseguqule izenzo.”

Okudale leSenate omele ibandla leZanu PF koBulawayo, uNkosikazi Molly Ndlovu, uthe bayayamukela inkulumo kamongameli.

“Inkulumo kamongameli siyayamukela labo abangavumelani layo zindaba zabo ngoba inkulumo yakhe banayo njalo kuminyaka emihlanu ezayo uzabe ebusa njalo nguye umongameli.”

Uthe bakhangelele ukuba uhlelo lweProportional Representation lungezelelwe.

“Sikhangelele ukuthi umongameli sisebenze laye singezelele isikhathi sokubakhona kweProportional Representation edale lephalamende ngoba kubanzima kubomama ukuba bangene kwezombusazwe.”

UNomsa Ncube, oyintathelizindaba, uthe kuhle umongameli asekukhulumile lobanje kulokunye angakuphathanga wakuchaisa kuhle.

“Kuhle umongameli usekhulumile kodwa sicela alungise izisebenzi zakhe ezibavikelayo lezibalindayo bayasihlukuluza ngesikhathi sisebenza”

Uzulu uthi uzalinda abone ukusebenza kukamongameli kodwa lokhe eqalileyo ilizwe liqhubeka libhekane lobunzima.

Udaba Esilethulelwe NguAnnastacia Ndlovu
please wait

No media source currently available

0:00 0:02:57 0:00

XS
SM
MD
LG