amalinks wokungena

Breaking News

Liyakhuphuka Inani Lababanjwa iCoronavirus eZimbabwe


Some informal traders have started flooding the streets of Harare, May 16, 2020, to sell their wares during the coronavirus lockdown in Zimbabwe. They say they've had no source of income since the start of the lockdown in March. (Columbus Mavhunga/VOA)

Liyakhuphuka inani labantu ababanjwa umkhuhlane weCoronavirus COVID-19 eZimbabwe.

KoBulawayo kulabantu abayithoba minwe mibili abagula umkhuhlane wecoronavirus kube labafika phose itshumi asebesilile. Sokwabhubhe umuntu oyedwa edolobheni leli.

EMatabeleland North kulabantu ababili abalomkhuhlane weCOVID-19 kuthi oyedwa sewasila.

EMatabeleland South izolo kubanjwe abantu abalitshumi lanye igcikwane leCOVID-19 abavele eSouth Africa njalo bahle bavalelwa kuletha inani labantu abalalo umkhuhlane kumatshumi amathathu lambili lisiyatshona ilanga izolo kulesisigaba.

Abezempilakahle bakhuthaza uzulu ukuba alandele iziqondiso zikahulumende zokuvimba ukuthelelanwa lula kweCovid 19, ngoba inani labatholakala belali gcikwane liya liqonga mihla ngemihla.

Umqondisi wesibhedlela seMpilo Central, koBulawayo, uDokotela Solwayo Ngwenya ukhuthaza uzulu ukuba alandele imilayo yokuvikela ukuthelelwa igcikwane.

"Igciwane leli linjengomvimbani lilandelana lomqando. Igcikwane leli lingafika lapha lilithole lixokozela phandle kumalayini ngendlela eliyenza ngayo izabulala abantu abanengi umakhaza liyawabona aseseduzane. Uhulumende ufake iziqondiso zokuthi ligqoke amaface mask livale imilomo lamakhala kodwa lina litholakala livale imilomo litshiye amakhala phandle lokhu kuzakwenza ukuthi icorona ilibambe."

"Uthola kundwendwe zempuphu lamabhanga abantu bayaxokozela limele lime kuhle. Umkhuhlane lo ufana leBird flue uthola abantu bekhefuzela bedinga ukuphefumula. Siyalixwayisa kakhulu uma lihamba kumele ligqoke amaface mask kihle lingaphefumulelani lingasondelelani kodwa uma lingakwenzi lokhu abantu abanengi bazatshabalala ngiyalicela Zulu ukuba lilandele imilayo esilipha yona."

Abezempilakahle bakhuthaza uzulu ukuba aqaphele ahlale emakhaya ikakhulu kulezi nsuku inani labatholakala beleCovid 19, liqansa okwethusayo. Abantu bakhuthzwa njalo ukuzivikela ekubambeni leligcikwane bengaphongunyakazela ndawana yonke, beminyezelene ngoba ngaleyo ndlela kulula ukuthelelanwa lumkhuhlane.

Facebook Forum

XS
SM
MD
LG