amalinks wokungena

Breaking News

Kulinyaka Kuphela Sokubhubhe Abantu Abangu-16 ngeCovid-19 koBulawayo, Ababanjwe Lumkhuhlane Bangu-281


Coronavirus, Zimbabwe

Kulabantu abangamatshumi ayisikhombisa lane, 74, ababanjwe umkhuhlane weCovid-19 eZimbabwe izolo.

Phakathi kwabantu laba, abangamatshumi phose amahlanu, 48, ngabakoBulawayo.

Abangamatshumi amabili lanye ngabeMatabeleland North. Isigaba seMashonaland East leseMashonaland West zona zilomuntu oyedwa ngendawo kuthi iMasvingo yona ilabantu abathathu.

Ugatsha lwezempilakahle luthi kulabangamatshumi amathathu lanye njalo abafunyanwe sebepholile.

Inani lasebehlaselwe ngumkhuhlane lo selokhu waqhamukayo kuleli selifike ku-9120 kuthi asebepolile boba sebengu-8229.

Asebebhubhile bangamakhulu edlula amabili, 265 kuthi abalokhu begula bangamakhulu edlula ayisithupha, 626.

Idolobho lakoBulawayo yilo elikhokhelayo kulezinsuku ngenani lababulawa yilumkhuhlane labafunyanwa belawo.

Kusukela mhlaka 1 kulinyanga sokubhubhe abalitshumi lasithupha kulelidolobho njalo kwafunyanwa abangamakhulu phose amathathu, 281, belawo lumkhuhlane.

Isigaba seMatabeleland North leseMatabeleland South lazo ziyalandela.

Umgcinisihlalo wezempilakahle kukhansili yakoBulawayo, ukhansila Sinikiwe Mutanda utshele lumsakazo izolo ukuthi okwenza umkhuhlane weCoronavirus uhlasele ngamandla kulelidolobheni yikuthi abantu abanengi abagqoki amamask kanti njalo abanye sebetshona bediyazela emabhawa lasematshabhini lapho abaminyana khona.

Facebook Forum

XS
SM
MD
LG