amalinks wokungena

Mugabe: Sokulomunye uGoliathi Osefuna Ukubhidliza Amanye Amazwe

  • Gibbs Dube

UMongameli Robert Mugabe engakakhulumi emhlanganweni weUnited Nations General Assembly ngoLwesine.

UMongameli Robert Mugabe uthi umhlaba wonke jikelele umangaliswa yikuvuka komunye uGoliath ofuna ukubhidliza amanye amazwe.

UMugabe wethule umbiko lo emhlanagweni weUnited Nations General Assembly eNew York lapho okulenkokheli evela emazweni atshiyeneyo.

“Iliwe lami lithanda ukuthi amazwe akhululeke azibuse njalo abelenkululeko egcweleyo. Yikho okwenza ukuthi silwele amazwe ukuthi azibuse. Kodwa singeke sathula nxa kulabanye abethusela amanye amazwe. Ngifuna ukuthi abanye bethu bayangekile njalo bayangeka ngokukhanya kuyikubuya kwendoda elesiqhaga enjengo Goliath. Kambe lokhu yikuphenduka kuka Goliathi na ozabhidliza amanye amazwe?”

Ubekhanya ukuthi ukhuluma ngokwethulwe nguTrump emhlanganweni lo othe ulakho ukubhidliza ilizwe leNorth Korea nxa ele Melika lingabona engani lizahlaselwa lililwe leli.

Uthe uMongameli Trump kumele azitshayele uphondo okuzwayo. “Tshaya uphondo ngendlela okulomculo wokubambana, ukuhlalisana, ukusebenza ndawonye, ukudonsa ndawonye lokukhulumisana esikukhuthazayo njalo okuzakhuthazwa yiziqondiso zesisekelo sombuso weUnited Nations ese U.N Charter.”

Uthe ilizwe leZimbabwe lizalwisana lalabo abafuna ukulincindezela njengalokho elekwenza lilwisana labamhlophe ababelobandlululo.

“Sakwenza lokhu ngesikhathi silwisana labahuquluzi benotho sisenzela ukuthi sibe lozibuse okwenzela ukuthi senze konke esikufunayo. Yikho sisithi sikhululekile lamhlanje. Lokhu kwenziwa yikuthi sanqoba abahuquluzi benotho ngendlela etshiyeneyo.”

UMugabe ugcizelele esithi kungaze kube lomunye umuntu ofuna ukuthi akhahlameze abantu ngendlela ezitshiyeneyo ele Zimbabwe lizalwisana laye kuzekuyefika ekucineni

“Lethani eyinye inyamazana engakhanyiyo ukuthi ngenjani … Layo sizayehlula kuphela.”

Abanye abantu abalalele okwethulwe nguMugabe abagoqela uMnu. Den Moyo, umgcinisihlalo webandla leMovement for Democratic Change ekhokhelwa nguMnu. Morgan Tsvangirai, bathe ubekhuluma ize nje.

Uphinde wathi kuyamangalisa ukuthi UMugabe ukhuluma ngokuthula.

Omunye njalo olalele okwethulwe nguMugabe, uMnu. Thabang Nare. Uthe ukwethusela uTrump akusoze kuguqula lutho.

UNare uphinde wathi uMugabe ufuna ukuthi uTrump akhulumisane laye njengalokho akwena leyinye inkokheli yezwekazi leAfrica.

UMugabe kakhulumanga ngezijeziso zenotho azifakelwa ngamazwe entshonalanga njengalokho ajeyele ukukwenza emhlanganweni weU.N General Assembly.

Uthe kukhanya engani uyabona ukuthi amazwe amanengi kawasalaleli nxa ekhuluma ngodaba lolu.

Kasenelisanga ukukhuluma leziphathamandla zikahulumende labalandeli bebandla leZanu PF ngodaba lolu. UMugabe useMelika labantu abedlula amatshumi ayisikhombisa okubikwa ukuthi bathola amadola ayinkulungwane lengxenye umuntu ngamunye ngelanga. Akwaziwa ukuthi ubuyela nini kwele Zimbabwe.

Facebook Forum

XS
SM
MD
LG