amalinks wokungena

Breaking News

Kulomuntu Osecele Inkantolo Ukuthi Ivimbe uMaKhupe Labanye Bakhe Ukuba Ngamalunga Ephalamende


UMnu Nelson Chamisa loNkosazana Thokozani Khupe

Kulomuntu osekhweze amaphepha emthethwandaba weHigh Court ewucela ukuthi uvimbe umkhokheli weMDC-T uNkosazana Thokozani Khuphe labanye bakhe ukuba ngamalunga edale lephalamende kulandela ukuxotshisa kwabo abameli beMDC Alliance.

Umamangala uMnu Charles Madhiwa, uthi iMDC Alliance yiyo emele ikhethe abantu abazangena ezikhundleni ezitshiywe ngamalunga ayo hatshi iMDC-T.

Abamangalelweyo bagoqela yena uMaKhupe, umabhalane wephalamende, umgcinisihlalo weZimbabwe Electoral Commission, labanye abeMDC-T asebesiba ngamalunga ephalamende loMaKhuphe ababalisa uLwazi Sibanda, Sipho Makone, Molly ndlovu, Tamani Moyo, Gertrude Moyo, Pinel Denga, Chief Ndlovu, Nomalanga Khumalo, Teti Chisorochengwe, Yvonne Musaruwa, Khaliphani Phugeni, January Sawuke, Lindani Moyo loMemory Munochinzwa.

Ibandla leMDC Alliance lithi lanxa lingelasandla kusicelo sikaMadhiwa, liyakusekela akwenzayo.

Kodwa isikhulumeli seMDC-T uMnu Khaliphani Phugeni uthi umamangala udlala ngesikhathi. Uthi njalo bazafungiswa nje maduze babe ngamalunga ephalamende.

please wait

No media source currently available

0:00 0:01:09 0:00

Ingcwethi kwezemithetho uMnu Matshobana Ncube yena utshele iStudio 7 ukuthi kaboni umthethwandaba uvumelana loMadhiwa. Wengeze wathi ubona ukulwisana phakathi kwamabandla womabili kuxazululwa lukhetho luka2023.

please wait

No media source currently available

0:00 0:03:09 0:00

Facebook Forum

XS
SM
MD
LG