amalinks wokungena

Breaking News

'Lizakhuphuka Okwethusayo Iholo Labodokotela Kungasetshenziswa Imali Ehambelana Lesisindo Sedola leMelika'


UDokotela Paulinus Sikosana labanye abasebenza kuhlangothi lwezempilakahle.

Uhulumende uthi kumele adinge amabhiliyoni amane amadola - $4 billion (Zimbabwe dollars), ngenyanga ukuze aholise odokotela labanye abakuhlangothi lwezempilakahle nxa iholo lezisebenzi lingalinganiswa ledola leMelika emkambo wokuthenga lokuthengisa imali eZimbabwe.

UDokotela Paulinus Sikosana, okuhlangothi olubona ngokuqhatsha odokotela olweHealth Service Board, uthi okwamanje iholo lezisebenzi ezikuhlangothi lwezempilakahle lifika izigidi ezingamakhulu amane - $400 million (Zimbabwe dollars) ngenyanga.

Ngakho-ke uthi imali le izakhuphuka kakhulu nxa odokotela, abongi labanye bengahola imali ehambelana lokuthengiswa kwedola leMelika emkambo wemali.

USikosana uphinde wathi kukhangelelwe ukuthi odokotela bazathoniswa amacala okukhalala umsebenzi ngoMvulo.

Uthi bazaqhubekela phambili ngalokhu loba odokotela besithi kabafuni ukuthoniswa amacala nguhulumende.

Ingxoxo Esiyenze LoMnu. Paulinus Sikosana
please wait

No media source currently available

0:00 0:02:04 0:00

Odokotela abakhalala umsebenzi abakunhlanganiso yeZimbabwe Hospital Doctors’ Association bathi abalamali yokuthi bayethoniswa amacala nguhulumende.

UDokotela Mthabisi Bhebhe, unobhala jikelele wenhlanganiso le, uthi bafuna iholo elikhuphukileyo hatshi ukuyathoniswa amacala.

Ingxoxo Esiyenze LoDokotela Mthabisi Bhebhe
please wait

No media source currently available

0:00 0:01:23 0:00


Facebook Forum

XS
SM
MD
LG