amalinks wokungena

Breaking News

Uhulumende Uvimba Ukugcotshwa Kwenkosi yaMaNdebele


UPrince Bulelani Lobhengula Khumalo.

Uhulumende weZimbabwe usevimbe umcimbi wokugcoba inkosi yaMaNdebele obekumele wenziwe ngempelaviki.

UMnu. July Moyo, umphathintambo wezamadolobho lezemaphandleni, ngoLwesithathu ubhalele incwadi umgcinisihlalo wedale leCrown Prince Council, induna uMathema, esithi ukugcoba uPrince Bulelani Lobhengula Khumalo akukho kusisekelo sombuso welizwe leZimbabwe.

“Siyibonile incwadi yenu lisazisa ukuthi kuzagcotshwa umuntu ozafakwa esikhundleni seNkosi uLobengula mhla zintathu kuMbimbitho. Sifisa ukulazisa ukuthi ukuvuselela ubukhosi lobu lokugcoba inkosi akukho emthethweni. Ngakho-ke liyaziswa ukuthi lingakwenzi lokhu ngoba akukho emthethweni.”

Induna uMathema, uMnu. Effie Dlela Ncube labanye abakhangelane lomcimbi lo kasenelisanga ukubathola ukuthi bakhulume ngalokhu.

Kasenelisanga njalo ukukhuluma loMnu. July Moyo.

Ingcwethi elwela ilungelo loluntu njalo eligqwetha elikunhlanganiso yeBammeli Human Rights, uMnu. Matshobana Ncube, uthi kuyamangalisa okwethulwe nguMoyo njengoba isisekelo sombuso singakhulumi ngokugcotshwa kwenkosi yesizwe sikaMthwakazi.

Kulabantu abavela kwele Lesotho, Swaziland, Botswana, United Kingdom, South Africa lamanye amazwe aseselizweni leZimbabwe ukuyabukela kugcotshwa inkosi yaMaNdebele.

Facebook Forum

XS
SM
MD
LG