amalinks wokungena

Breaking News

URajan Nayer weZimbabwe Umiswa Ukuphatheka Emdlalweni Wekhilikithi Okweminyaka Engu20


Inhlanganiso yekhilikithi eye International Cricket Council ithi uRajan Nayer wakwele Zimbabwe obona ngezomdlalo lo akusamelanga abekiwo okweminyaka engamatshumi amabili ngoba wayefuna ukufumbathisa umdlali wekhilikithi.

Lokhu kuvezwe ngoLwesibili yinhlanganiso le eveze ukuthi uNayer wayefuna ukunika umdlali weZimbabwe inkulungwane ezintathu zamadola - $30,000 – ukuthi adlale ngendlela efiswa nguye ngesikhathi bengqikilana leWest Indies ngomnyaka ophelileyo.

UGraham Cremer, owayekhokhela iqembu leZimbabwe, wala ukuthatha imali le wabikela inhlanganiso yeCricket Zimbabwe ukuthi uNayer wayefuna ukumfumbathisa ukwenzela ukuthi abheje emdlalweni lo.

Inhlanganiso le ithi uNayer, owayesebenza eHarare Metropolitan Cricket Association, wephula iziqondiso ezimbalwa ezingaphansi kwemithetho ye ICC Anti-Corruption Code.

Kuthiwa wephula iziqondiso ezikuSigaba (Article) 2.1.1 seCode le ngokuthi wayefuna ukuphekaphaka impumela yomdlalo ngedlela engaqondanga emdlalweni wekhilikithi.

Kubikwa ukuthi wephula njalo iSigaba 2.1.3 seziqondiso zeICC Anti-Corruption Code ngokuzama ukufumbathisa uCremer imali. Okunye njalo utholakale elecala lokuthi waphula iSigaba 2.1.4 seziqondiso zeCode le ngokuzama ukukhulumisana loCremer ngendlela engavunyelwayo emdlalweni wekhilikithi okwakuzakwenza ukuthi umdlali lo abe ngumuntu ongalunganga.

Kasenelisanga ukukhuluma loRajan lenhlanganiso yeZimbabwe Cricket ngodaba lolu.

Facebook Forum

XS
SM
MD
LG