amalinks wokungena

Breaking News

Kuna Izulu Elimangalisayo koBulawayo


Kuna izulu elimangalisayo koBulawayo
Kuna izulu elimangalisayo koBulawayo

Kune izulu elinengi okumangalisayo koBulawayo ngeSonto ezinye izindlu zagcwala amanzi kwathi umdlalo we-semi-final wenkezo ye Zimbabwe National Army Cup obuphakathi kweqembu le Highlanders le Chicken inn wamiswa iqembu leChicken likhokhela nge 1-nya.

Lelizulu, eline phose amahola amane liduma njalo lilombane omubi, litshiye izindlu ezinengi ziganxeme emanzini.

Izindlu ezinengi bezilamanzi pandle laphakathi, abanye abantu besebebhokoza imiduli yezindlu ukuthi amanzi edlule ngoba amakamelo, ama wardrobe, lamafridge besekume phakathi kwamanzi.

UNkosikazi Sanele Mhambi, ohlala eNkulumane, uthe izulu elinje kakaze alibone njalo litshiye lonile kakhulu.

UMnu. Lesli Ndlovu, owakhelene loNkosikazi Mhambi, laye uthe akulandlela zamanzi yikho okubangele ukuthi amanzi angene ezindlini.

Ebuzwe ukuthi sebedingile usizo kwabe FireBrigade, uNdlovu uthe akababoni ukuthi bazabuya ngakho ababadinganga bazazikhuphela amanzi.

Abalandeli benguqu bona balahlekelwe yingxenye yesibili yomdlalo weBosso leChicken okade udlalelwa eBabourfields Stadium.

Umlandeli webhoso uMncedisi Dube uthe udane kakhulu ukuthi umdlalo umisiwe ngenxa yezulu.

Lonyaka izulu belilokhe lingakani kahle izulu njalo izilimo ezinjengo mumbu besekufubile emasimini.

XS
SM
MD
LG