amalinks wokungena

Breaking News

Kunanzwa iAnti-Corruption Day Inengi Likhala Ngenkohlakalo Kuhulumende weZanu PF


Zimbabwe Corruption

EleZimbabwe lizabambana lamazwe omhlaba ekunanzeni ilanga lokulwisana lenkohlakalo eleInternational Anti-Corruption Day namuhla inengi lisithi imisebenzi yokungethembeki isibhahe kakhulu kuhulumende.

Ilanga leli lahlelwa ngumanyano weUnited Nations ngomnyaka ka2003 ngenjongo yokuveza sobala ububi benkohlakalo.

IZimbabwe Anti-Corruption Commission (ZAAC) ithi iziphathamandla zayo zizabhoda ngemisakazo namuhla zilimukisa uzulu ngalumkhuba.

Lanxa kuleziphathamandla zikahulumende esezike zabotshwa ezigoqela owayengumphathintambo wezempilakahle uMnu Obadiah Moyo loNkosikazi Prisca Mufumira, abanye bathi uhulumende kenzi okwaneleyo ukulwisana lenkohlakalo ikakhulu kuziphathamandla zakhe.

Kodwa uMongameli Emmerson Mnangagwa uthi zonke izikhohlakali zizabotshwa kungelani lokuthi ngezebandla liphi.

Owayengumphathintambo kuhulumende kaMugabe uMnu Jonathan Moyo, yena owafohla wayaphephela kweleKenya, wethule ingwalo enkundleni yeTwitter, athi zikhomba ukuba uMnangagwa lomkakhe uAuxillia bayizikhohlakali.

Kodwa isikhulumeli sikahulumende umnu Nick Mangwana ukulandule lokhe esithi akulabufakazi.

Olwela amalungelo oluntu uMnu Mbuso Fuzwayo utshele iStudio 7 ukuthi nxa okukhulunywa nguMoyo kuliqiniso, kuveza sobala ukuthi kunzima ukuqeda inkohlakalo eZimbabwe.

please wait

No media source currently available

0:00 0:01:57 0:00

Facebook Forum

XS
SM
MD
LG