Abalwela amalungelo abesifazana bananze ilanga leInternational Day of the Girl Child ngoLwesibili bekhala ngokungaphathwa kuhle kwamankazana eZimbabwe.
Ilanga leli labekwa ngumanyano weUnited Nations ngomnyaka ka2012 ngenjongo yokukhuthaza ukulinganiswa kwamathuba phakathi kwabafana lamankazana emhlabeni jikelele.
Omunye wabalwela amalungelo abesifazana uNkosazana Linda Mpofu utshele iStudio 7 ukuthi okudanisayo yikuthi zinengi ingxaki amankazana ahlangana lazo eZimbabwe.
“Umntwana oyinkazana uthwele luklubhu lapha eZimbabwe,” kutsho uMaMpofu.
“Abantwana abangamankazana bayendiswa engazange ebuzwe; umntwana aqukulwe kuthiwa sesiyakwendiswa exhegwini.”
“Balezinye njalo inkinga ezinenengi ezigoqela ukuswela imali yamasanitary pads, okwenza umntwana ecine esebenzisa ezinye izinto angamelanga azisebenzise,” kutsho uMaMpofu.
