WASHINGTON DC —
EleZimbabwe lizananza ilanga lokuhlonipha amaqhawe elizwe ngoMvulo inengi likhuthaza uhulumende weZanu PF ukuthi aqede indubo ezikhona ezigoqela ukubhidlika komnotho.
Ibandla leMDC-T lithi lanxa liwahlonipha amaqhawe ngokulwela inkululeko, alisoze liphatheke emkhosini ozakwenzela eHeroes’ Acre lapho uMongameli Mugabe avame ukuchothoza khona lelibandla.
Ilanga leHeroes Day lenzima mhlaka 11 ngoNcwabakazi minyaka yonke. Isiphathamandla seMDC-T, uMnu Abednico Bhebhe usole ibandla leZanu PF ngendlela eliphatha ngayo udaba lwamaqhawe.