amalinks wokungena

Breaking News

AbeZWRCN Bamanyana leCancer Association Ukunanza iPink Day


Breast Cancer

Abenhlanganiso ye Zimbabwe Women Resource Centre and Network bamanyane labe Cancer Association in Zimbabwe ukuphawula okusemthethweni usuku lwePINK DAY. Lolu lusuku lokusungula imikhankaso yokutholisa uzulu ulwazi phezu kwemvukuzane yesibeletho ngesikhathi ilizwe limanyana lomhlaba wonke ukuqakathekisa inyanga ka Mfumfu, eyakhethwa ukuqinisa imikhankaso yokulwisana lemvukuzane yebele.

Ngabongi abasafundela umsebenzi e Chitungwiza Hospital labo ngesikhathi belibazisa uzulu obekulomkhosi wokuphawula okusemthethweni kosuku lwe Pink Day owenzelwe e Harare Gardens lamuhla emini kungoma yabo ekhuthaza ukunakekelwa ngothando kwalabo abatholakala sebegula bebulawa yimvukuzane.

Obengumhlonitshwa kulomkhosi wokufundisana – awareness,phezu kwemvukuzane yebele,eyingcwethi kwezemvukuzane u Dr Anna Mary Nyakabao uthi lanxa uselapheka lumhlobo ungaphangiselwa esibhedlela, okudanisayo yikuba inengi liyadinga usizo isikhathi sesiphelile ngenxa yezizatho ezehlukeneyo. Uthi u Nyakabao osekusengeza kulolu dubo yilabo abagxile kakhulu kunkolo ezibatshela ukuba sebesindile kiyo imvukuzane yebele ngemva nje kokuthandazelwa.

Ukhuthaza uzulu ukuba adinge usizo kubodokothela laloba esethandazelwe njengoba ethi umthandazo uphathisa ukuqinisa umoya emuntwini ikanti usizo kwezemvukuzane luza ngendlela ezimbalwa okubalisa ukusindisa inyama egulayo, umoya womuntu, isimo senqondo yomuntu kanye lendlela umuntu aphila ngayo.

Lokhu kusekelwe ngunkosikazi Buhlebenkosi Moyo,okuhlangothi lwezokukhulumisana lozulu - Information and Communications Officer enhlanganisweni ye ZWRCN otshele iStudio Seven ukuba kakukho okubi ngokuthandaza kodwa ethi okubi yikuba umuntu aphelele kumthandazo abeseyekela ukuthola usizo loba ukuthatha leyo mithi okumele ayithathe ukuze asile kuleyo mvukuzane.

Intshumayelo yabafundisi abatshela abantu ukuba sebesiliswe ngumthandazo,iyingozi ngakho unkosikazi Moyo uxayisa ukuba basiwe ezibhedlela ngokuphangisa abagulayo ngemva kokubathandazela hatshi ukubatshela ukuthi sebesilile ngakho bayekele ukunatha amaphilisi.

Umkhokheli we ZWRCN unkosazana Pamela Mhlanga utshele abekade bekulumbuthano ukuba bakubone kumqoka ukumanyana labenganganiso ye Cancer Association kumikhankaso yokutholisa uzulu ulwazi phezu kwemvukuzane yebele.

Abe Cancer Association bona baveze ukuba kubiza imali enengi kakhulu ukwelapha imihlobo yonke yemvukuzane ngakhoke uzulu kumele amanyane ukuyinqoba lempi yokulwisana lemvukuzane yebele kungakhathalekile ukuba isibahlasele loba hatshi.

Isihloko salonyaka kulolusuku lwe Pink Day ngesithi “ Think Pink, find it, fight it and win the battle.”

Ibikwa itholakala lasebantwini abangabesilisa lanxa inani labo lisesephansi, bebikwa kwabalikhulu oyedwa wabo ulakho ukuhlaselwa yilemvukuzane yebele.

Ingcwethi zibika ukuba ledlula inkulungwane ezinhlanu, ngomnyaka inani labatholakala belemvukuzane elizweni kuthi abayinkulungwane eyodwa elengxenye – 1,500 babo belahlekelwa yimpilo kunani elithola usizo ezibhedlela.

XS
SM
MD
LG