NgeSonto bekulusuku lwabantwana olwe Day of the Africa Child olwasungulwa ngomnyaka ka1991 yinhlanganiso yeOrganization of African Union esibizwa okwamanye ngokuthi yiAfrican Union.
Usuku lolu ngolokukhuthaza ukulondolozwa kwamalungelo abantwana njalo lokubakhanga ukuthi bafunde okuzakwenza ukuthi bazithuthukise.
Kwabulawa abantwana abanengi ngosuku lolu eSoweto kwele South Africa ngomnyaka ka1976 abantwana baze batshengisele besola inkethabetshabi lokufundiswa indimi zabamhlophe.
Usuku lonyaka lunanzwa ngaphansi kwesihloko esikhuthaza ukuthi abantwana bezimele esithi: Right to Participate: Let Children Be Seen And Heard.
Ukuze sihlaziye udaba lolu, sixoxe loNkosazana Pretty Mpofu, olwela ilungelo labantwana labomama, othi kusobala ukuthi kuyehlula ukuthi abantwana bafundiswe ngemfaneli kwele Zimbabwe.
Uthi kunengi kakhulu njalo okuhlupha abantwana okunjengokunikwa amathuba okuzithuthukisa njalo lokungena kuhlelo zikahulumende.
