amalinks wokungena

Breaking News

'Kungakhathalekile Lempumela Yodaba Luka Chamisa Ukhetho Alusoze Lwafa Lwaqilibezelwa'


Amagqwetha engena emthethwandaba weconcourt

Kungakhathalekile ukuthi umthethwandaba we Constitutional Court uzathatha sinqumo bani kudaba lokuphikisa impumela yokhetho lukamongameli olwethulwe nguMnu. Nelson Chamisa abanye bathi loludaba luzakwenza ukhetho elizweni lubelomehluko.

Inengi lithi sokuzakubanzima ukuqilibezela kukhetho ngoba amaxetsha wonke okwenza lokhu azakuba ebhekwe ngamehlo okhozi kulandela ukucutshungulwa kodaba lokuphikisa impumela oluhlaziywe ngabehluli abayithoba munwe munye ngoLwesithathu.

Sixoxe lesizalwane seZimbabwe esihlala kwele Bhilitane, uMnu. Alex Ndebele.

“Okungijabulise kakhulu yikuthi khona nje ukuba kube lenguquko engaka ukuba iopposition iphiwe ilungelo loku tshalenja, kungijabulisile kakhulu. Kodwa okungidanisileyo kakhulu yikuthi lokhu okunye ebesesikuzwa nge opposition, okwama v11 lama v23 angisakuzwanga kakhulu ku evidence yabo ababeyibeka,” kutsho uNdebele.
Uthi okunye njalo angakujabulelanga “yikugxanguza kwe ZEC ngoba ikhanya ingaphathanga umsebenzi wayo. Uthi abe Zanu PF bafikele labo imbono yabo, okutshengisa ukuthi baphiwe amathuba afanayo.

Uthi lokhu bekungekho kwenzakala ngesikhathi sikaMnu. Robert Mugabe.

“I think kathesi iZimbabwe isikweyinye ilevel yokuthi lathi singabalethemba lokuthi nxa siqhubeka ngaloluhlobo kutsho ukuthi lama elections ethu azabe elokhu eguquka,” kutsho uNdebele.

Lokhu sikudaba lunye, ingcwethi ecubungula ezombusazwe, uMnu. Innocent Batsani Ncube uthi lanxa amagqwetha kaMnu. Nelson Chamisa elwise okwengqungqulu ephuke uphiko ubufakazi abalabo bungani buyasilela okuzenza kubenzima ukuthi isingqumo sangoLwesihlanu sibehle kucele labo.

Uthi kuzakubanzima ukuthi kukhanye ukuthi isinqumo sizahamba njani.

UNcube uthi igqwetha ebelimela uMnu. Chamisa belikhaliphile kodwa indaba yobufakazi yiyo ekhanya izahlupha. Legqwetha ebelimela ugatsha lwe Zec uNcube uthi lalo belincweba ufudu lubhense.

“Singakhangela indleal ama judge kade ebuza ngawo angiboni ukuthi engalwesula ukhetho,” kutsho uNcube.

Facebook Forum

XS
SM
MD
LG