amalinks wokungena

Breaking News

Kuqhamuka Udlakela Kukhetho Lokudinga Ukhansila


FILE: Uvota kukhetho lwelizwe, Harare, Zimbabwe, July 30, 2018.

Kubikwa ukuthi kuqhamuke udlakela namuhla eKadoma ngesikhathi kusenziwa ukhetho lwe by-election kuWard 2 eKadoma Central.

Abalandeli bebandla leMDC babikwa ukuthi bahlaselwe ngabebandla leZanu PF kwezinye indawo obekuvotelwa khona.

Kasenelisanga ukukhuluma ngodaba lolu labaphathintambo beZimbabwe Electoral Commission kanye labancintisa kukhetho lolu.

Ukhetho lolu lwenziwa kulandela ukubotshwa kuka Michael Gore womanyano weMDC Alliance owakhethwa nyakenye wavalelwa ejele kuthiwa wakhuthaza udlakela lonyaka abantu betshengisela emigwaqweni.

UNkosikazi Ellen Dingani, umqondisi wenhlelo kuhlanganiso yeZimbanwe Electoral Commission, uthe ukhetho lolu kukhanya lungaqhutshwanga ngemfanelo.

Uthe abengekho amabizo abavota kukhetho lolu endaweni lapho obekuvotelwa khona.

“Lokhu kwenze ukuthi kuxotshwe abantu abanengi endaweni zokuvota akade besima kundwendwe babesebetshelwa ukuthi basendaweni engayisiyo.”

Inhlanganiso yeZESN ibifake abantu abanengi endaweni ezitshiyeneyo edolobheni leli abahlolisise indlela okuqhutshwe ngayo ukhetho lolu.

Facebook Forum

XS
SM
MD
LG