amalinks wokungena

Breaking News

Kuqhutshwa Imidlalo Yokukhuthaza Abasakhulayo koBulawayo Ukuthi Betshiyane Lezidakamizwa


Kuzaqhutshwa imidlalo yenguqu elokitshini leEmganwini leleNketha koBulawayo ngeSonto ngenjongo yokukhuthaza abasakhulayo ukuthi batshiyane lokusebenzisa izidakamizwa.

Indikimba yemidlalo le ithi ‘Fight Against Drug Abuse’ njalo iqoqwe ngumhlali uMnu Obert Manduna. Inkezo yayo ibizwa ngokuthi yiManduna Nketha Cup.

Imidlalo le iza ngesikhathi uhulumende esithi ukusetshenziswa kwezidakamizwa sokubhahile lokuthi kusukela ngoZibandlela kusiya kuMfumfu kulabantu abedlula amakhulu amathathu, 359, abalaliswe ezibhedlela ngemva kokusebenziwa okudakayo.

Umphathintambo obona ngokwethulwa kwemibiko uNkosikazi Monica Mutsvangwa wazise izolo ukuthi kubotshwe abantu abangamakhulu phose ayisithupha, 575, abangu192 babo kungabathengisa izidakamizwa lezi kuthi abangu383 kungabazisebenzisayo.

Wengeze wathi ekubopheni abantu laba, amapholisa athole izidakamizwa ezibisa iZ$28 million.

UManduna utshele iStudio 7 ukuthi ubone kufanele ukuthi eqhube limidlalo ngoba ukusetshenziswa kwezidakamiswa ngabasakhulayo eNketha laseEmganwini sokuludubo olukhulu kakhulu.

please wait

No media source currently available

0:00 0:01:14 0:00

Facebook Forum

XS
SM
MD
LG